I den nye kostnadsramma vert det tatt høgde for usikkerheit, mellom anna knytt til å flytta skjøre, nesten tusen år gamle kulturskattar, skreiv Kunnskapsdepartementet i grunngjevinga si for å auka den samla løyvinga til bygging av nytt vikingtidsmuseum på Bygdøy til 3,7 milliardar kroner.
• Les også i Uniforum: Vikingtidsmuseet kan få auka ramma til over 3,7 milliardar kroner
Direktør Håkon Glørstad ved Kulturhistorisk museum er svært glad.
– Målet vårt er at prosjektet skal bli slik det opphavleg var planlagt, men det aller viktigaste er å sikra tryggleiken til vikingskipa og sledane og dei andre gjenstandane. Det får me til med den nye løyvinga, seier han til Uniforum.
I nysalderinga av statsbudsjettet for 2023 ligg altså nytt vikingstidsmuseum på Bygdøy inne med ei utvida budsjettramme på over 3,7 milliardar kroner. Det heilt nøyaktige talet er 3 milliardar 770 millionar kroner.
Dermed er prisen 770 millionar kroner høgare enn det forskings- og høgare utdanningsminister Ola Borten Moe varsla i ei pressemelding tidlegare i haust. Då rekna han med at kostnadsramma på rundt 3 milliardar kroner ville halda. No er summen komen opp i 3,770 milliardar kroner.
– Eg er godt nøgd, for det viser at Kunnskapsdepartementet har tatt poenga våre til vitande, seier han.
– Prosjektet er eit nybrottsarbeid
Museumsdirektøren peikar på at det er vurderingane konsulentselskapa Atkins og Oslo Economics gjorde etter at Statsbygg først hadde gjort si vurdering av usikkerheita knytt til kostnadane ved å flytta svært skjøre, nesten tusen år gamle gjenstandar, som no ligg til grunn for avgjerda om å auka kostnadsramma.
– Derfor føreslo dei å auka avsetningane til ein buffer som kan ta høgde for slik usikkerheit med ein høgare sum enn den som stod i innstillinga frå Statsbygg. Prosjektet er eit nybrottsarbeid når det gjeld å ta vare på tryggleiken til desse gjenstandane, understrekar Glørstad.
– Bra og fornuftig
Sjølv om kostnadsramma no er utvida til ein sum høgare både enn den som var den opphavlege prisen på prosjektet og høgare enn det nivået som både museumsdirektør Håkon Glørstad og UiO-rektor Svein Stølen bad om rett før sommarferien, er han klar over at det ikkje vil seia at alt innhaldet i den opphavlege planen no er tilbake.
– Men me er nøgde med utvidinga av kostnadsramma, for det sikrar ei forsvarleg behandling av tryggleiken til gjenstandane gjennom heile byggjeprosjektet. Det er både bra og fornuftig, synest museumsdirektøren.
Den utvida kostnadsramma til 3 milliardar 770 millionar kroner vert no sendt som eit forslag frå Kunnskapsdepartementet til Stortinget. Om regjeringspartia Arbeidarpartiet og Senterpartiet får med seg budsjettpartnaren Sosialistisk Venstreparti på dette, blir forslaget vedtatt.
Opnar først i 2027
Arbeidet med å sikra både vikingskipa, sledane og dei andre gjenstandane i Vikingskipshuset på Bygdøy er allereie godt i gang.
• Les også i Uniforum: – Vi må sikre at vikingskipene og vikingsledene ikke blir skadet i byggeperioden
Men den formelle byggjestarten av det nye vikingtidsmuseet startar i neste månad. Frå stenginga av Vikingskipshuset i fjor haust har det ikkje vore mogleg å besøkja museet for å sjå dei unike vikingskipa, sledane og dei andre gjenstandane frå vikingtida. Den neste sjansen til å gjera det blir i 2027 då nytt vikingtidsmuseum etter planen skal opna på Bygdøy.
• Les meir om nytt Vikingtidsmuseum i Uniforum:
Vikingtidsmuseet kan få utvida kostnadsramma med over 3,7 milliardar kroner
Regjeringen vil ha bedre kontroll med utgiftene på utgiftene til vikingstidsmuseet
– Vi må sikre at vikingskipene og vikingsledene ikke blir skadet i byggeperioden
Signerte byggjekontrakt framfor Osebergskipet
Starter bygging av nytt Vikingtidsmuseum i januar 2023
UiO ber regjeringa straks å setja i gang bygginga av nytt Vikingtidsmuseum
LEIAR: Bla opp 1 milliard ekstra til nytt VIkingtidsmuseum, Jonas Gahr Støre!
Dei har til no samla inn over 5000 underskrifter for vern av vikingskipa
Slik kan byggingen av nytt Vikingstidsmuseum revideres
No skal byggjekostnadene til Vikingtidsmuseet gåast etter i saumane
Ola Borten Moe aksepterer ikke milliardoverskridelser på vikingtidsmuseet
Vikingtidsmuseet kan bli 1 milliard dyrare enn budsjettert
UiO får 200 millioner i gave til nytt vikingtidsmuseum
Haugesund-selskap skal sikre og flytte vikingskipene
UiO får pengar til nytt vikingtidsmuseum i fødselsdagsgåve
UiO-leiinga ber statsministeren om å sikra pengar til nytt vikingtidsmuseum
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere