Ei av dei to kvinnene er ute av Legevakta etter at ho fekk mindre skader, medan ei ligg framleis på Ullevål universitetssykehus med litt meir skader, opplyser politiadvokat Lisbeth Ravlo Backe til Dagbladet.
Hendinga skjedde i lokala til Statens arbeidsmiljøinstitutt i Gydas vei på Majorstua i går ettermiddag. Der leiger Farmasøytisk institutt ved UiO ein del av lokala.
Ein mann i 20-åra er sikta for forsøk på drap og kroppsskade. Han er pågripen og vert framstilt for varetektsfengsling i morgon, skriv politiet i ei pressemelding. Politiet har gjennomført eit innleiande avhøyr av den sikta, og vil halda fram på dette i dag. Det er gjennomført fleire vitneavhøyr.
Når det gjeld kva som har skjedd før hendinga, skriv politiet at det er for tidleg å seia noko om det no. Den sikta er ikkje tidlegare kjent for politiet. Han har fått oppnemnt advokat Petar Sekulic som forsvarar, går det fram av pressemeldinga. Fleire media skriv at den sikta er student.
I dag har UiO eigne informasjonsmøte med både berørte studentar og tilsette ved Farmasøytisk institutt.
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere